تطبيق واتساب بزنس ولا الـ API؟ الفرق اللي يهم شركتك

لو موظف واحد بيرد على واتساب من تليفون واحد، تطبيق واتساب بزنس كفاية ومجاني. لو محتاج أكتر من واحد يرد على نفس الرقم في نفس الوقت، أو تربط واتساب بنظام عندك، أو تبعت حملات — محتاج الـ API الرسمي، وده ليه رسوم من Meta على الرسائل وقواعد على اللي تقدر تبعته إمتى.

الفروق اللي بتقرّر

مين بيرد

التطبيق: موظف واحد على تليفون واحد. لو حد تاني محتاج يرد، لازم ياخد التليفون. الـ API: الفريق كله على نفس الرقم في نفس الوقت، وكل محادثة بتتعيّن على حد.

لما الموظف يمشي

التطبيق: المحادثات على تليفونه. الـ API: المحادثات في المنصة، والسجل بيفضل.

الربط بالأنظمة

التطبيق: مفيش. الـ API: واجهة برمجية وWebhooks — الطلب من متجرك يبعت رسالة لوحده.

التكلفة

التطبيق: مجاني. الـ API: رسوم من Meta على الرسائل بالفئة، زائد اشتراك المنصة اللي بتشتغل عليها.

الرقم

رقم واحد مايقدرش يبقى على الاتنين. لو نقلت رقمك من التطبيق للـ API، التطبيق بيقفل على الرقم ده.

امتى التطبيق بيبقى كفاية

• شخص واحد بيرد، وعدد الرسائل صغير.
• مش محتاج تربط واتساب بنظام.
• مش بتبعت حملات لقوايم كبيرة.

لو الحالات دي بتنطبق عليك، مانصحكش تدفع في الـ API. ده مكتوب هنا عشان بيتباع كتير لشركات مش محتاجاه.

امتى بتبقى محتاج الـ API

• أكتر من واحد لازم يرد على نفس الرقم.
• عايز المحادثات تفضل عند الشركة مش عند الموظف.
• محتاج الطلبات أو التذاكر تبعت رسايل لوحدها.
• محتاج تبعت تحديثات لقايمة عملاء بقوالب معتمدة.
• محتاج تعرف مين رد على إيه وإمتى.